اسلام آباد۔30مارچ (اے پی پی):وفاقی وزیر داخلہ شیخ رشید احمد آکھیے جو عمران خان م??در دا سکندر اے، میکوں فخر اے جو میں عمران خان دے نال ہاں ،ضمیر فروش ناکام تھیسن ، عمران خان کوں جیڑھی مقبولیت ایں ویلھے ملی اے اے عام انتخابات اچ وی کائناں ہئی۔ بدھ کوں اسلام آباد اچ ای پاسپورٹ دے افتتاح دے موقع تے خطاب کریندے ہوئیں وزیر داخلہ آکھیے جو چھوٹی سوچ دے حامل لوک جنہاں دی کمزوری مال اے تے او ماضی اچ کرنل قذافی اتے اس??مہ بن لادن توں مال ??ھندے رہیے ، اوعمران خان دے خلاف کٹھے تھی ڳئن ، شریف خاندان میموگیٹ سکینڈل اچ کالا کوٹ پا تے زرداری دے خلاف پیش تھیا تے اڄ کٹھے تھی ڳئن ، میکوں سارا پتہ اے جو اے کیویں پہلے شاہ عبداللہ دے ذریعے دبائو پاتے تے بھج ڳئے ، فوج نہ چاہندی ہئی جو اے ٻاہر ونڄے ،بلاول بھٹو ایں دے خلاف مودی دے یار دے نعرے لیندے رہیا ۔ وزیر داخلہ آکھیے جو میں سیاسی ورکر ہاں تے پوری کوشش رہی اے جو وزارت دے دوران عام آدمی کوں سہولتاں ملن ، ای پاسپورٹ توں ہݨ ایندے اچ تھیوݨ آلی پیشرفت گھر ٻہہ تے ݙٹھی ونڄ سڳدی اے ، پہلے پاسپورٹ بݨاوݨ اچ وی کرپشن ہئی۔ وزیر داخلہ آکھیے جو اجمل قصاب دی وستی فریدکوٹ دا پتہ نواز شریف ݙتا، جے اے معلومات غلط ہوون تاں میکوں جیڑھی سزا ملسے قبول ہوسی میکوں فخر اے جو میں عمران خان دے نال رل تے سیاست کیتی ، جیڑھی مقبولیت ایں ویلھے عمران خان کوں حاصل اے عام انتخابات دے موقع تے وی کائناں ہئی ،میں وزیراعظم کوں آکھدا ہم جو اسمبلیاں تروڑ ݙیون تے نویں انتخابات اچ ونڄں ، میں عمران خان دے نال ??ٹان وانڳوں کھڑاں۔
عمران خان مقدر دا سکندر اے، ضمیر فروش ناکام تھیسن، وفاقی وزیر داخلہ شیخ رشید احمد دا ای پاسپورٹ دے افتتاح دے موقع تے خطاب
مضمون کا ماخذ : estratégias loteria وفاقی
متعلقہ مضامین
