تھر 10 اکتوبر (اے پي پي) وزيراعظم محمد شهباز شريف تھرکول معاشي پرمختګ لپاره ګېم چېنجر ګرځولو سره وئيلې دي د تھرکول منصوبه د سيمې د پرمختګ او سوكالۍ منصوبه ده٬ په سكرو چلېدونكې پاور پلانټس به د تهر په سكرو منتقل كول وي، د سي پېك له مخې د توان په څانګه كښې سرمايه كاري د چين لويه ډالۍ ده٬ د رېلوے لنك د لارې به د تهر د سكرو ګرد هېواد ته ترسيل له آسانۍ رامخې ته شي۔ د دې خيالاتو څرګندونه ده د ګل په ورځ د تهر انرجي بلاك ټو او تهر كول مائنز ټو پرانستې دستورې ته خپلې وېنا كښې وكړه۔ په دې موقع خارجه وزير بلاول بھټو زرداري، پخوانې وزيراعظم شاهد خاقان عباسي، د منصوبه بندۍ او پرمختګ وفاقي وزير احسن اقبال ، د توان وزير خرم دستګير خان ، مصدق ملک ، د سندھ وزيراعليٰ سيد مرادعلي شاه، پاکستان كښې د چين سفير نونګ رونګ او نور مهم شخصيات هم موجود وو۔ شهباز شريف ووئيل د ستونزو باوجود د منصوبې په بشپړتيا د حبكو چيئرمېن او د هغه ډلې له مباركي وركوم٬ په كال 1996 كښې چې كله پخوانۍ وزيراعظمې شهيد بېنظير بھټو دې سيمې ته راغلې وه نو دا صحرا وه خو اوس تهر په بيړه پرمختګ كوي٬ د تھرکول منصوبې سره به په سيمه كښې ترمختګ او سوكالي راشي٬ نړۍ كښې د سكرو بيعه د 67 ډالرو ټن نه 44 ډالر ته راغلې او د دې تر 30 ډالرو د كمېدو امكان دے، ده ووئېل د تهر په سكرو پېدا كېدونكې برېښنا بيعه به د يونټ په سر لس روپو ته راشي٬ تھرکول د جديد ټيکنالوجۍ د لارې بشپړېدونكې منصوبه ده٬ د تھر په سكرو د برېښنا پېداوار سره به هېواد بلها زرمبادله بچ شي۔ وزيراعظم ووئيل دلته 175 مېليونه ټنه د سكرو پانګې موجود دي او كه يو لك مېګاٶاټ برېښنا هم پېدا كري نو دا د 300 كالو خزانه ده۔ ده ووئيل مونږ له داسې پاليسۍ جوړول پكار دي چې په سكرو برېښنا پېدا كوٶنكې د 4 زره مېګاواټ چې كومې كارخانې دې ھغه هم د تهر په سكرو منتقل كړې شي٬ ده ووئېل ګرده نړۍ كښې د تېلو بيعې د كمېدو زياتېدو په سبب به مونږ له په سنجيدګۍ سره په دې غور كول وي٬ د توان ضرورتونه ترسره كولو لپاره 24 اربه ډالره خرڅ كړې شوي٬ د سكرو څخه استفاد سره به په هېواد كښې صنتونه پرمختګ وكړي٬ ارزانه څيزونه به راپېدا شي٬ ده ووئېل زما د ټرك ډرائيورې سره ملاقات شوے٬ په تهر كښې حكومتي اقدامات څخه د زرګونو په شمېر اولس ته د روزګار موقعې په لاس ورغلې دي۔ ده ووئيل د سي پېك له مخې د توان په څانګه كښې سرمايه كاري د چين لويه ډالۍ ده٬ په راتلونكې اوونۍ كښې به په اسلام آباد كښې د يوې غونډې مشري كوم چې په كښې به ټولو اړوندو ډلو ته د ګډون كولو بلنه وركولې شي او د توان څانګې پحقله د اقدامات به جاج اخستے شي۔ وزيراعظم ووئيل د تهر سكرو څخه استفاده نه كول او د قام محرومۍ نه كمول لويه غلطي ده٫ د تهر سكرو څخه ټول هېواد ته ګټھ رسېدې شي٬ د سكرو ترسيل لپاره به د رېلوے يو كوټلے نظام جوړول وي ٬ په دې لړ كښې به وفاقي او د سندھ حكومت په ګډه كار لوي٬ ده ووئېل د سنګل لائن رېلوے لائن لوظنامه شوې ٬ چې د رېلوے منصوبه بشپړه شي نو دې سره به د تهر سكاره د هېواد ګوټ ګوټ ته ورسي او په كلنه توګه به د 5 نه تر 6 اربه ډالرو بچت وشي٬ د برېښنا پېداوار په دې منصوبه كښې به حبيب بېنك او چائنا ډويلپمنټ بېنك مالي معاونت كوي او تهركول به د هېواد معاشي پرمختګ لپاره ګېم چېنجر ثابت شي
د تھرکول منصوبه د سيمې د پرمختګ او سوكالۍ منصوبه ده٬ په سكرو چلېدونكې ټول پاور پلانټس به د تهر په سكرو منتقل كول وي۔ وزيراعظم شهباز شريف
مضمون کا ماخذ : اسلام آباد لاٹری
متعلقہ مضامین
