اسلام آباد۔3نومبر(اے پی پی) د سېنېټ چيئرمين صادق سنجراني ډېره اسماعيل خان كښې د چاؤدنې پیښې په سختو ټكو كښې غننه كړې ده۔ د جمعې په ورځ د سېنېټ سېكرټرېټ لخوا د جاري شوي بيان له مخې د سېنېټ چیئرمېن په دې ترهګر بريد كښی د بې ګناه وګړو په شمول د امنيتي اهلكارو په حق رسېدو د غم دړد او افسوس څرګندونه وكړه۔ ده دعا وكړه چې پاك پروردګار دې ارواښادو له د خپل رحم په پلو كښې ځاے او غمجنيو كورنيو له د زغم توفيق وركړي۔ ده پېښه كښې د ژوبل شوو زر روغتيا له دعا هم وكړه۔ د سېنېټ چيِئرمېن ووئيل ترهګر د پرمختګ عمل اودرول غواړي خو دوي به خپله دې ناوړه اراده كښې كله هم كامياب نه شي۔ ده ووئيل د ترهګرۍ په ضد جنګ كښې د پاكستان امنيتي ځواكونو ځانګړې قربانۍ وركړې دي۔ په منطقه كښې د امن باقي پاتې كېدو لپاره د امنيتي ځواكونو دغه قربانۍ به بې ځايه نه ځي۔ ده ووئيل پاكستان به په منطقه كښې امن لپاره د ترهګرۍ په ضد خپل غږ تل پورته كوي۔ ده ووئيل دا ډول بزدلانه بريدونه په هېواد كښې د امن وضعه له مينځه وړلې نه شي۔ د سېنېټ دوهم چيئرمېن مرزا محمد آفریدی، سېنېټر محمد اسحاق ډاراوسېنېټر ډاكټر شهزاد وسیم هم په ډېره اسماعيل خان كښی د رامخې ته شوې چاؤدنې پېښې غندنه وكړه۔دوي ووئيل ترهګر د ټول انسانيت دښمنان دي٬ پاكستان د ترهګرۍ ناسور ختمولو عزم لري۔ دوي دعا وكړه چې پاك پروردګار دې په پېښه كښې شهيدو شوو له د خپل رحم په پلو كښې ځاے او غمجنيو كورنيو له د زغم توفيق وركړي۔
د سينيټ چيئرمېن صادق سنجراني ډيره اسماعيل خان كښې د چاؤدنې پيښه وغندله
مضمون کا ماخذ : لاٹری کے انعامات
متعلقہ مضامین
