اسلام آباد۔11ستمبر(اے پی پی) پاکستان پیپلز پارٹی دے چیئرمین بلاول بھٹوزرداری آکھیے حکومت مہانگ دی شرح گھٹ کرتے 12 فیصد تئیں گھن آوݨ دا مقررکیتے جݙاں جو گزریل اٹھ مہینے اچ اینکوں 9.6 فیصد تئیں گھن آئی اے جیڑھا تعریف دے قابل اے ،پارلیمان اتے آئین دی بالادستی اتے جمہوریت سانڳے اساکوں جھیڑیں دا سلسلہ مکاو??ا ہوسی ، سیاسی اختلافات دے باوجود ورکنگ ریلیشن شپ دا قیام ضروری اے، وزیراعلیٰ خیبر پختونخوا میڈیا تے اپوزیشن کوں ڳالھیں مندے ݙے تے ججاں دے خلاف انتقامی کارروائی کرتے صوبے دے عوام دی خدمت نی کریندے پئے، سیاست چمکیندے پئن ۔ قومی اسمبلی اجلاس اچ ڳالھ کریندے بلاول بھٹوزرداری آکھیے اڄ اسمبلی دی گیلریز اچ پاکستان دے طلبا اتے نینگر بیٹھن جیڑھے ملک دا مستقبل ہن، ساݙی حالت ݙیکھ تے انھاں اچوں کوئی سیاستدان نہ بݨسی ، جمہوری معاشریں اچ ارکان پارلیمنٹ بݨݨ ھک ماݨ تے اعزاز اے ، افسوس نال آکھݨا پوندا پئے جو ھک عرصے تو سیاست کوں مندا بݨا ݙتا ڳئے، اساں ایں سیاست توں نینگراں کوں روزگار ، معاشی انصاف ݙیوݨ تے ایں ملک کوں چلاوݨا اے ، اساں ضرور اوکھ اچ ہیسے مگر میکوں یقین اے جو جݙاں اے ٻال وݙے تھیسن تاں اساں خطہ دی ??یادت کریندے پئے ہوسوں ، پارلیمان سپریم ادارہ اے، جیں آئین دی ??جہ توں اے ادا??ہ تے ملک چلدا پئے ایں آئین دی بالادستی دے بغیر پارلیمان اتے ملک نی چل سڳدا ، سیاست آپݨی جاہ مگر ورکنگ ریلیشن شپ رکھݨ ضروری اے تے ایں سانڳے اساکوں آپݨیاں ذمے واریاں نبھاوݨیاں چاہیدے ، انھاں آکھیے شورشرابے دی بجائے ایشوز تے ڳالھ تھیوݨی چاہیدی اے ، جے اپوزیشن اپݨی ذمہ داری پوری نی کریندی تاں ایں توں مسئلے بݨسن ، جیں صوبے اچ انھاں دی حکومت اے اتھاں روزگار، مہانگ، تعلیم اتے دہشت گردی جیھے وݙے مسئلے ہن ، جے وزیراعلیٰ دی ذمہ واری اے ہے جو میڈیا اتے اپوزیشن کوں ڳالھیں مندے ݙیون تے ججاں دے خلاف انتقامی کارروائیاں کرن تاں او خدمت نی بلکہ سیاست چمکیندے پئن ، میݙے خاندان آئین اتے جمہوریت سانڳے قربانی ݙتی اے ، شہید بے نظیربھٹو نوازشریف نال رل تے میثاق جمہوریت تے دستخط کیتے اساں اتفاق رائے نال 18ویں ترمیم دی ??نظوری ݙتی ، جے ایں ملک کوں چلݨا اے تاں ایوان دے ݙوہیں پاسوں رل تے چلݨا چاہیدے ۔ حکومت نال ہزاراختلافات تھی سڳدن ، مگرملکی مسئلیں دا حل ضروری اے ، تنقید اساں وی کیتی اے ویلھا آڳئے جو اساں جائزہ گھنوں جو حکومت دی کارگردگی کیجھی اے ۔حکومت 8 مہینے اچ مہانگ دی شرح 9.6فیصد تئیں گھن آئی اے جݙاں جو ہدف 12 فیصد تئیں گھن آوݨ دا مقرر کیتا ہئی ایں تے حکومت دی تعریف وی کرݨی چاہیدی اے ، اساکوں حکومت کوں مشو??ہ تےتجویزاں وی ݙیوݨیاں چاہیدن جو ایجھے کیڑھے اقدامات کیتے ونڄن جو مہانگ ٻئی گھٹ تھیوے ، اساں اختلافات دے باوجود ساریاں سیاسی جماعتاں نال مذاکرات کیتن تے اتفاق رائے نال اقدامات کیتن جیں توں عوام اتے صوبیں کوں فیدہ تھئے ?? جݙاں توں میثاق جمہوریت تے دستخط تھئن ایں دے اڳلے ݙینھ توں ایں اتقاق رائے اتے میثاق کوں کمزورکر ݨ تےغیرسیاسی طاقتاں کوں جاہ ݙیوݨ سانڳے سازشاں شروع کیتیاں ڳیاں ۔ ھک سیاسی جماعت اداریں کوں حمایت نال کھڑا کرتے ساݙے سیاسی نظام کوں ایجھے نکتے تے پڄا ݙتے جو کوئی وی ہتھ ملاوݨ سانڳے تیار کائنی اساں آپݨے ٻالاں دی ??سمت نال کھیݙدے پیوں ، میݙی درخواست اے جو پہلے ہاؤس کوں فعال بݨایا ونڄے تے ایندے بعد ملک کوں فعال کیتا ونڄ سڳے ۔ انھاں آکھیے ٻہوں افسوس تھئے ھک سینئرسیاستدان ہاؤس توں استعفیٰ ݙیوݨ دا اعلان کیتے ۔میں مینگل صاحب دے فیصلے توں مایوس تھیاں ۔ صوبے دے مسئلیں دے حل سانڳے انھاں دا ایوان اچ ہووݨ ضروریاے ۔ میں سابق وزیراعظم تے تنقید کریندا رہساں مگرتساں اسمبلیاں تے کمیٹیاں نہ چھوڑو تے آپݨیاں ذمے واریاں نبھاؤ ۔ میں پہلے وی آکھیا ہامی جو قومی اتے صوبائی اسمبلیان نہ چھوڑو، او خود تاں بھوڳیندے پئن ہݨ ملک وی بھوڳیندا پئے ، اساکوں بااختیارکمیٹیاں بݨاوݨیاں چاہیدن جیں اچ ساریاں جماعتاں دی ??مائندگی ہوسی، پارلیمان اتےآئین دی بالادستی اتے جمہوریت سانڳے اساکوں تلخیاں داسلسلہ ختم کر??ا ہوسی
