اسلام آباد۔9اکتوبر(اے پی پی) وفاقی وزیر داخلہ محسن نقوی آکھیے ??لک اچ کہیں کوں متوازی عدالتی نظام بݨاوݨ ،ریاستی اداریں دے خلاف غلیظ زبان دے استعمال اتے اسلحہ چاوݨ دی اصلوں اجازت نہ ݙتی ویسی۔ ،پشتون تحفظ موومنٹ (پی ٹی ایم) تے پابندی دے بعد شناختی کارڈ، پاسپورٹ دی منسوخی ،سیاسی دفتر اتے سرگرمیاں ختم سودھے سارے ضابطے پورے کیتے ویسن ، جیڑھا وی پی ٹی ایم دا ساتھ ݙیوݨ دی کوشش یا مدد کریسی او وی ایں پابندی دے زمرے اچ آسی ،پی ٹی ایم دی پشت پناہی کرݨ آلیں سانڳے ساݙا وݙا واضح پیغام اے جے اے ساݙے ملک نال ایویں کریسن تاں انہاں نال وی ایویں ہی کیتا ویسی ،حقوق اتے بندوق چاوݨ دی ڳالھ کٹھے نی تھی سڳدی ۔او وزارت داخلہ اچ پریس کانفرنس توں خطاب کریندے پئے ہن ۔ وفاقی وزیر داخلہ محسن نقوی آکھیے جرگے پہلے وی تھیندن آئن ?? قبائلی عمائدین ایندی سربراہی کریندے رہین لیکن ہزاراں دی تعداد نال لوکاں کوں گھن آوݨ تے ایں کوں جرگہ نی کجھ ٻیا آکھیا ویندے ، حکومت پاکستان فیصلہ کیتے کہیں وی صورت اچ متوازی عدالتی نظام دی اجازت نی ݙتی ونڄ سڳدی ۔ انھاں آکھیے ??ی ٹی ایم تے پابندی لاوݨ دی اہم وجہ ایں جماعت دی طرفوں ریاستی اداریں، پولیس دے خلاف ہرزہ سرائی کرݨ تے نسلی امتیاز دے ذریعے قوم اچ تفریق پیدا کرݨ اے ۔جے کہیں کوں سیاسی چیزاں تے لوکاں دے حقوق دی ڳالھ کرݨی اے تاں ایندی اجازت اے لیکن اداریں دے خلاف لوکاں کوں کھڑا کرݨ دی اجازت نی ݙتی ونڄ سڳدی ، ساݙے علم اچ اے ڳالھ آئی اے جو ھک ݙو سیاسی جماعتاں دے لوک جݙاں پی ٹی ایم دے رہنماواں نال ملیے تاں انھاں حقوق دی ڳالھ تے انہاں دی حمایت کیتی لیکن انہاں اے وی آکھیے جو ایویں نی تھی سڳدا تساں حقوق دی ڳالھ کرو تے ول بندوق وی چاؤ ۔ انہاں ݙسائے پی ٹی ایم تے پابندی دے بعد خیبرپخ??ون??وا حکومت 54 لوکاں تے بلوچستان حکومت 34 لوکاں دا ناں فورتھ شیڈول اچ پاتے ۔ انہاں آکھیے ??اکستانی قانون موجب جیڑھا وی کہیں طریقے نال پی ٹی ایم دی مدد کریسی ایندے بعد وی شناختی کارڈز اتے پاسپورٹ بلاک کرݙتے ویسن ۔محسن نقوی آکھیے ??اکستان اچ ایویں منصوبہ بندی پہلے نی بݨائی ڳئی تے پی ٹی ایم وݙے منظم طریقے نال قوم کوں جیں پاسے گھن ونڄݨ چاہندی اے او سارا واضح تھی ویسی ، انھاں دی ڈاکومینٹریز ٻاہر دیاں کمپنیاں بݨیندیاں پئن ??ے انھاں دی فنڈنگ دے ثبوت آندے کجھ ݙینھ اچ ݙتے ویسن ، انہاں دی پشت پناہی کر آلیں سانڳے ساݙا واضح پیغام اے جے اے ساݙے ملک نال ایویں کریسن تاں انہاں نال وی ایویں ہی کیتا ویسی ، فسادیاں سانڳے وی ایہو سنھیا اے جو تساں کوں کہیں طرح معافی نہ ݙتی ویسی ۔وفاقی وزیرداخلہ آکھیے ریاست ملک دی عوام اتے اداریں دے خلاف ہرزہ سرائی کرݨ آلیں دے خلاف چپ نہ رہسی اساکوں نرم ریاست دے تصور کوں ختم کرݨا ہوسی ، حقوق دی ڳالھ کرݨ آلیں نال مہاڑ سانڳےتیار ہیسے لیکن ملک دے خلاف ڳالھیں کرݨ آلیں نال اے کم نی کیتا ونڄ سڳدا ، جیڑھا ملک دے خلاف ہتھیار چیسی انڄ تھیوݨ دی ڳالھ کریسی او ساݙا دشمن ہوسی ۔ جیڑھی جماعت قانونی دائرہ کار اچ رہ تے ڳالھ کریسی بھاویں او کتنی ہی تلخ کیوں نہ ہووے ساݙا فرض ہوسی اساں ایں نال ڳالھ کروں ۔ ھک سوال دے جواب اچ انھاں آکھیے ??زیراعلیٰ خیبرپخ??ون??وا کوں پہلے اے ڳالھ واضح کر ݙیوݨی چاہیدی اے جو آئی جی اسلام آباد نال انہاں دی ملاقات تھئی اے یا کائناں ، ھک پاسے او آکھدن جو او نکل ڳئے ہن ݙوجھے پاسے آکھدن او انھاں نال ملئن ۔ وفاقی وزیرداخلہ آکھیے خیربخ??ون??وا حکومت کوں ایں ڳالھ دا ادراک ہووݨاچاہیدے جو اتھاںامن و امان دے ٻہوں خراب حالات ہن تے صوبے اچ پولیس دا پہلا کم امن دی صورتحال کوں بہتر بݨاوݨ اے
