اسلام آباد۔27اکتوبر(اے پی پی) وفاقی وزیر اطلاعات تے نشریات سینیٹر شبلی فراز آکھیا جو 27اکتوبر تاریخ دا او سیاہ ݙینھ اے جݙاں ہندوستان عالمی قانون،غیور کشمیری عوام دی امنگاں اتے حقوق کوں پامال کریندیں ہوئیں مسلم اکثریتی آبادی تے مشتمل ریاست جموں تے کشمیر تے غاصبانہ قبضہ کر گھدے،اے او کالا ݙینھ اے جݙا?? بھارت کشمیری عوام کوں محکوم بݨاوݨ سانگے آپݨی فوج جموں تے کشمیر اچ لہائی۔وفاقی وزیر ستاوی اکتوبر یوم سیاہ دے موقع تے جاری کیتے ڳئے آپݨے سنیھے اچ آکھیا جو بہادر کشمیری گزریل ست ݙھاکیاں توں ودھ عرصے تو?? بھارتی ظلم،جبر اتے ریاستی دہشت گردی دا سامݨا کریندے پئن اتے آپݨے حق سانگے جدوجہد کریندے پئن۔بھارت پنڄ اگست 2019کوں ہک پاسہ اتے غ??ر قانونی اقدامات نال غیر قانونی طور تے متنازعہ علاقے دی حیثیت بدلݨ دی سازش کیتی اتے ایں نال بین الاقوامی قوانین، اقوام متحدہ دی سلامتی کونسل دی قرارداداں اتے ݙو پاسہ معاہدیاں دی دھجیاں بکھیر ݙتی۔سینیٹر شبلی فراز آکھیا جو ہک سال ت??ں ودھ عرصے توں جاری کرفیو مقبوضہ خطے دا کشمیریاں نال دنیا دا رابطہ کٹ ݙتے۔وادی اج جیل بݨ ڳئی اے۔پورا بلیک آئوٹ اے،کھاوݨ پیوݨ دی شئیں دی گھٹکی اے اتے دوائیں اتے علاج نی تھ??ندا پیا۔انہاں آکھیا جو قابض بھارتی فوج کشمیریاں د ے بنیادی انسانی حقوق پامال کریندی پئی اے۔وفاقی وزیر اطلاعات و نشریات آکھیا جو بھارت سݨ گھنے جو کوئی ظلم اتے جبر کشمیریاں کوں انہاں دی حق خودارادیت دے حق دی منزل ت??ں پرے نی کر سڳدا۔اساں کشمیری بھیݨ بھراواں دی سرپرستی،سیاسی،سفارتی اتے اخلاقی حمایت دا سجھ ابھرݨ تئیں جاری رکھیسوں۔
یوم سیاہ دے موقع تے وفاقی وزیر اطلاعات تے نشریات سینیٹر شبلی فراز دا سنیھا
مضمون کا ماخذ : پیش گوئی اور حکمت عملی
متعلقہ مضامین
