اسلام آباد۔9دسمبر (اے پی پی):وزیراعظم عمران خان آکھیے جو دنیا افغان عوام دی مشکلات دا احساس کرے، افغانستان کوں انسانی بحران توں بچاوݨ دی لوڑھ اے ، بھارت بندوق دے زور ،طاقت دے استعمال اتے ظلم دے ذریعے کشمیریاں کوں دبا نی سڳدا۔ آر ایس ایس دے ہوندے ہوئیں بھارت کوں کہیں ٻاہرلی دشمنی دل لوڑھ کائنی ، پہلے وی سرد جنگ توں دنیا کوں ٻہوں ضیان تھئے پاکستان ہݨ کہیں بلاک دا حصہ نہ بݨسی ، دنیا اچ تجارتی مفادات موسمیاتی تبدیلی دے اثرات نال نبمݨ کیتے درکار اقدامات دے رستے اچ رکاوٹ ہن ،اساکوں تحقیق دے ودھارے اتے تھنک ٹی??کس دے ذریعےایجھا متفقہ بیانیہ سامݨے گھن آوݨا ہوی ساݙی قوم ترجمانی کرے ، اے ڳال انہاں خمیس کوں اتھان انسٹی ٹی??ٹ آف سٹریٹجک سٹڈیز اچ “ھک پر امن و خوشحال جنوبی ایشیا” دے موضوع تے کانفرنس دے افتتاحی سیشن توں خطاب کریندے ہوئیں آکھی اے ، وزیراعظم خطے بالخصوص افغانستان دی صورتحال دا ذکر کریندے ہوئیں آکھیے جو افغانستان دی صورتحال دی اساکوں ٻہوں فکر اے ، اتھاں خانہ جنگی دا ݙر ہئی ۔سویت جنگ اچ 2 لکھ افغان شہری جاں بحق تھئے ہن ،پاکستان کوں وی پناہ گزیناں دا ٻوجھ برداشت کرݨا پمدے۔ افغانستان اچ ایں واری تباہی دا ݙر ہئی لیکن خوش قسمتی نال ایجھا کائنی تھیا ۔ افغانستان کوں انسانی بحران توں بچاوݨا ہوسی ۔ افغانستان دے اثاثے منجمد ہن ، انہاں دا بینکاری نظام مفلوج تھی ڳئے ، ایندے اثرات افغان عوام تے پوسن ۔ انہاں آکھیے جو او آئی سی دے وزرائے خارجہ دا آندے ہفتے اجلاس تھیندا پئے ، پاکستان پوری کوشش کریندا پئے جو دنیا کوں ݙساوے جو او طالبان کوں پسند کرے یا نہ کرے ، 4 کروڑ افغان عوام دا احساس کرے اتے اے سمجھݨا چاہیدے جے ایہے حالات رہیے تاں انہاں تے کیا گزرسی، امریکا کوں وی اے سمجھݨا چاہیدے جو افغانستان دے اثاثے منجمد کرݨ تے انہان دی معیشت دے سکڑݨ نال انسانی بحران پیدا تھیا تاں ایندا ضیان ساریں کوں تھیسی اتے پاکستان ساریں توں ودھ متاثر تھیسی ، ایں ویلھے پناہ گزیناں دا وݙا مسئلہ اے ۔ یورپ کوں وی پناہ گزیناں دی وجہ توں مسئلے ہن ۔ افغانستان دے عوام 40 سال توں ہر قسم دی مشکلات دا سامݨا کریندے پئن ۔ پاکستان انہاں دی مشکلات گھٹ کرݨ کیتے آپݨا بھرپور کردار نبھیسی افغانستان اچ امن اساݙے مستقبل کیتے ٻہوں اہم اے ۔ وسطی ایش??ا دے ملکاں نال ساݙا رابطہ اے تے وسطی ایش??ا دے سارے ملکاں گوادردے رستے تجارت کوں ودھارا ݙیوݨ چاہندن ، ایں سلسلے اچ اساݙے معاہدے تھی چکئن ۔
دنیا افغان عوام دی مشکلات دا احساس کرے، افغانستان کوں انسانی بحران توں بچاوݨ دی لوڑھ اے ، بھارت بندوق دے زور ،طاقت دے استعمال اتے ظلم دے ذریعے کشمیریاں کوں نی دبا سڳدا ،وزیراعظم عمران خان دا خطاب
مضمون کا ماخذ : estratégias loteria وفاقی
متعلقہ مضامین
