الیکشن کمېشن دې د اي وي ايم لپاره په خپلو شرائطو اډانه ټينډر جاري كړي، مینوفیکچررز کمپنۍ به اي وي ايم راوړي،بايد ټول سياسي ګوندونه د اي وي ايم په اړه خپل كردار ترسره كړي،د سندھ حکومت د اوړو او چينو بيعه كنټرول نه كړه، چوهدري فواد حسېن

اسلام آباد 14دسمبر (اے پي پي) د اطلاعات او خپرونو وفاقی وزیر چوهدري فواد حسېن وئيلي دي الیکشن کمېشن دې د اي وي ايم لپاره په خپلو شرائط اډانه ټينډر جاري كړي، مینوفیکچررز کمپنۍ به اي وي ايم راوړي،بايد ټول سياسي ګوندونه د اي وي ايم په اړه خپل كردار ترسره كړي،د سندھ حکومت د اوړو او چينو بيعه كنټرول نه كړه، د الیکټرانك ووټنګ مشینز معامله په 2012 كښې پي پي پي او ن ليګ په 2016 كښې پورته كړې وه ،مونږ په هغې مخ په وړاندې روان يو، کراچۍ كښې د بيعو په حساس اشاریه انډیکس 40 فیصد اثر پريوځې ، پرله پسې په دريمه اوونۍ د ضروري څيزونو بيعې كمېږي، وزیراعظم په ګوادر كښې د احتجاج سخت نوټس اخستے ، ګوادر كښې د څښلو پاكو اوبو په منصوبو د اسلام آباد څخه زياتې روپۍ خرڅ شوي ، د 700 اربه روپو د سدرن بلوچستان پیکیج اعلان کړے شوے،د دومره ډېر فنډز باوجود مسئلې نه دې حل شوي ٬ اوس بيا د سره به د دې منصوبو جاج اخستلے كېږي۔ کابینې د شوګر سیکټر اصلاحات په اړه د خصوصی کمېتۍ د رپورټ سفارشات اولسې رائے لپاره د خپرولو منظوری وركړې، کابینې د ویکسینیشن زياتولو ، سماجی فاصلې برقرار ساتلو او د ماسك په كارولو زور راوړے، وفاقی کابینې د پاکستان او تاجکستان ترمينځه دوه اړخييزه فضائي روټ كښې د بدلون كولو منظوري وركړې ، د پاکستان او قازقستان ترمينځه فضائی مزل پيل كولو لپاره قازق ایئر کمپنۍ له په پاکستان كښې د كار كولو او د پاکستان او عراق ترمينځه د فضائی مزل په لوظنامه كښې د بدلون كولو اجازه وركړې شوې۔د نهې په ورځ د وفاقي کابینې غوندې نه پس ميډيا ته بريفنګ كښې وفاقی د اطلاعات وزیر ووئيل د کابینې په غونډه كښې د اليكټرك ووټنګ مشینز معارفي كولو او بهر هېوادونو كښې پاکستانیانو له د ووټ حق وركولو په اړه بریفنګ وركړے شو۔په غونډه كښې خاص مرستيال فيصل سلطان د كورونا نوي قسم اوميكرون په تناظر كښې د حفاظتي اقداماتو په حقله بريفنګ وركړو۔كابينې په ويكسينېشن زياتولو٬سماجي فاصلې لرلو او د ماسك كارولو په حاجت زور راوړو۔ده ووئيل كابينه خبر كړې شوه چې دا مهال په پاكستان كښې دوه كروړه كسانو د كورونا ويكسين دوهم ډوز نه دے لګولے٬ دغسې كابينې سپارښتنه وكړه چې دې كسانو ته دې زر تر زره دوهم ډوز ولګولے شي دغسې چې د كورونا خپرېدو مخ نيوې وكړے شي۔ده ووئيل په دې مهال وزيراعظم وفاقي وزيرانو٬اسد عمر او زبيده جلال ته زر تر زره د ګوادر دورې كولو سپارښتنه وكره دغسې چې د ګوادر اولس مسئلو زر تر زره حل كولو له سفارشات مرتب كړے شي ۔په غونډه كښې د اليكټرانك ووټنګ مشين معرفي كولو او بهر هېوادونو كښې مېشته پاكستانيانو له د ووټ اختيار وركولو په حقله بريفنګ وركړے شو۔ وفاقي وزير ووئيل كابينې په اسلام آباد كښې بلدياتي ټاكنو كښې د اي وي اېم استعمال پريكړه خوشبينه وګرځوله او كابينې ته د اي وي اېم تر ټولو پولنګ سټېشنو رسولو او د استعمال په حقله په شيډول بريفنګ هم وركړے شو۔د اطلاعات وزير ووئيل د خزانې صلاحكار كابينې ته د ضروري څيزونو د بيعو تقابلي جاج وړاندې كړو۔كابېنې ته ووئېل شول د اونۍ په بنياد د ګرانۍ په شرح كښې 0.7 فيصد كمے راغلے او د خوراك څښاك څيزونو بيعه هم كمه شوې۔وفاقي وزير ووئيل كابينه خبر كړی شوه چې په سيمه كښې د غوړو او تور چائے بيعې نه علاوه د كورونو د استعمال څيزونو بيعې په پاكستان كښې كمې دي۔ دغسې د كابېنې په غونډه كښې سندھ كښې د ضروري څيزونو په زياته بيعه د تشويش څرګندونه وشوه۔كابينې د پاكستان او تاجكستان ترمينځه دوه اړخيزه فضائي روټ كښې د بدلون كولو منظوري هم وركړه۔ دې پريكړې سره به فضائي مزل او د مزل خرڅونه كم شي۔ده ووئيل كابينې د پاكستان او قازقستان ترمينځه فضائي مزل پېل كولو لپاره قازق ايئر كمپني له پاكستان كښې د كار كولو اجازه وركړه او د پاكستان او مينځني آسيا هېوادونو ترمينځه د تجارت ودې په خاطر كابينې د هوا بازۍ ډويژن له د ټولو مينځني آسياﺀ هېوادونو سره د فضائي مزل لوظ نامې كولو په حقله د كار پېل كولو سپارښتنه وكړه۔ دغسې كابينې د پاكستان او عراق ترمينځه د فضائي مزل په لوظ نامه كښې د بدلون اجازه هم وركړې چې ورسره به د پاكستان او عراق ترمينځه كمرشل فلائيټ زيات شي۔وفاقي وزير ووئيل كابينې د پاكستان د لس ٬ 50 ٬ 100 او د 1000 روپو پخوانۍ كرنسۍ نوټ بدلولو په موده كښې تر 31 دسمبر 2022 د پراختيا منظوري هم وركړې ۔ده ووئيل كابينه خبر كړې شوې چې دا وخت په هېواد كښې د يوريا سرې كوم كمے نشته ٬ دغسې په هېواد كښې د ربيع فصل لپاره د يوريا سرې باوري كولو لپاره منظوري وركړی شوې۔دا خبره دې ياده وي په پاكستان كښې د يوريا سرې بيعه 1864 روپۍ ده دغسې په نورو هېوادونو كښې لس زره روپۍ په حساب سره خرڅېږي۔ده ووئيل موجوده حكومت د كركيلې او كروندګرو پرمختګ لپاره زيات اقدامات كړي۔كابينې ته په هېواد كښې د چينو پېداوار او بيعو په حقله بريفنګ هم وركړے شو او كابينې د چينو په موجوده سټاك او بيعه د اطمينان څرګندونه وكړه۔وفاقي وزير ووئيل په غونډه كښې وزيراعظم سپارښتنه وكړه چې د چينو ستراتېژېكي پانګې دې برقرار وساتلې شي دغسې چې د چينو په بيعه كښې استحكام وي۔ده ووئيل وفاقي كابينې ته د ګوادر كلن رپورټ 20-2019 هم وړاندې كړے شو۔په دې رپورټ كښې د پاكستان پیټروليم صنعت كاركردګي٬پېداوار٬طلب او رسد او د پیټروليم صنعت ښه والي لپاره سفارشات مرعب شوي۔ده ووئيل كابينه خبر كړی شوه چې دا مهال د پېټرول او ډيزل د 27 ورځو سټاك شته٬د اېل پي جي سلينډرو سفټي معيار ښه كېږي او د اولسي خبرتيا كمپائن هم روان دے۔اېل پي جي كمپنو ته 10 لائنسونه جاري كړې شوي٬د ګاز غلا مخ نيوي لپاره آډټ كېږي٬غېر قانوني پیټروليم پمپس او پلاسټك كنټينر كښې د پېټرول خرڅونكو په ضد كاروائي كېږي٬كابينې د اداره جاتي اصلاحاتو كمېټۍ د 24 نومبر 2021 په غونډه كښې ٬ د توان لپاره د كمېټۍ د 2 دسمبر 2021 په غونډه كښې د پريكړو او د اقتصادي رابطه كمېټۍ د 10 دسمبر 2021 په غونډه كښې د شوو پريكړو توثيق هم وكړو۔وفاقي وزير ووئيل كابينې چيف فنانشل آفيسر سي پي پي اے له د سنټرل پاور پرچيزنګ ايجنسۍ د سي اي او په حېث د اضافي چارج وركولو منظوري هم وركړه۔كابينې د انساني همدردۍ په بنياد افغانستان لپاره د اېن ډي اېم اے د اړخه د مرستې وركولو اجازه وركړه۔د پاكستان حكومت وړاندې څخه د ورلډ فوډ پروګرام ترمخه 2 لكه ټنه غنم او د پاكستان د اړخه د اضافي 50 زره ټنه غنمو مرسته افغانانو له لېږلې ده۔ د يوې پوښتنې په ځواب ده ووئيل فارما انډسټری په وړمبي ځل په پښو اودريدلې ده، كه د داروګانو بيعه كښې مناسب اضافه ونه كړې شوه نو انډسټری ته به زيان ورسي، صحت کارډ نه پس درملنې او ويړيا داروګان وركولې شي،په ګرانه بيعه د داروګانو مسئله به هم ختمه شي۔د يوې بلې پوښتنې په ځواب ده ووئيل څه ډول چې د تشریح حتمی اختیار سپریم کورټ سره دے،دغسې د قانون جوړولو اختيار د پارلمان سره دے۔ د الیکشن کمېشن ممبرز هم د قانون نه خبر دي، الیکشن کمېشن انتظامی ادارہ ده، هغې له به د قانونو له مخې تلل وي