لاہور ۔ 8 اکتوبر (اے پی پی) وزیراعظم محمد نواز شریف آکھے جو گزریل ترائے سالیں اچ پاکستان مسلم لیگ (ن) دی حکومت قومی معیشت کو ںدرست پاسے ٹوریا ہے ، اج دا پاکستان معاشی حوالے نال ودھ مضبوط اتے 2013ء توں ودھ محفوظ ہے،سی پیک دے تحت بلوچستان، سندھ، خیبرپختونخوا اتے پنجاب اچ مختلف ترقیاتی منصوبیاں اُتے کم تیزی نال جاری ہے ۔ چھنڑ چھنڑ کوں اتھاں گورنر ہائوس اچ تھیونڑآلے ہک اعلی سطحی اجلاس دی صدارت کریندے ہوئین وزیراعظم اے گالہیں آکھیاں ۔اجلاس اچ گورنر پنجاب رفیق رجوانہ، وزیراعلی پنجاب محمد شہباز شریف، وزیر خزانہ سینیٹر اسحاق ڈار، وفاقی وزیر منصوبہ بندی احسن اقبال، وفاقی وزیر پانڑیں تے بجلی خواجہ محمد آصف، وزیر تجارت خرم دستگیر، مشہور کاروباریاں اتے متعلقہ محکمیاں دے افسراں شرکت کیتی۔ وزیراعظم محمد نواز شریف آکھیا جو حکومت سرمایہ کاری دی ترغیب کیتے بنیادی اصلاحات متعارف کروایاں ہن ، کیونجو چنگے کاروباری نظام نال بئی سرمایہ کاری آندی ہے ، اتے روزگار دے موقعے پیدا تھیندے ہن ۔ نواز شریف آکھیا جو کاروباری برادری دی صلاح نال حکومت سرمایہ کاراں کوں سہولتاں دیسی ۔ انہاں ملکی ترقی اتے خوشحالی کیتے بہوں ودھ محنت دی لوڑ تے زور ڈتا۔ انہاں اجلاس دے شرکاء کوں ڈسایا جو چین پاکستان اقتصادی راہداری ہک وڈا منصوبہ ہے ، جیہڑا جو ملکی خوشحالی کیتے شروع کیتا گئے ۔ چین ولوں 46 ارب ڈالر دی جیہڑی سرمایہ کاری کیتی ویندی پئی ہے ایندے اچ 35 ارب ڈالر صرف توانائی دے منصوبیاں اُتے خرچ تھیسن،جنہاں دے پورے تھیونڑ نال نہ صر ف لوڈ شیڈنگ تے قابو پاونڑ اچ مدد ملسی جڈانجو سستی بجلی وی دستیاب ہوسی ۔ انہاں آکھیا جو سی پیک دے تحت بلوچستان، سندھ، خیبرپختونخوا اتے پنجاب اچ مختلف ترقیاتی منصوبیاں اُتے کم تیزی نال جاری ہے ، بلوچستان اچ گوادر بندرگاہ اتے گوادر ہوائی اڈے دی تعمیر وی کیتی ویندی پئی ہے ۔ وزیراعظم دا آکھنڑ ہئی جو سی پیک نال نہ صرف پاکستان جڈانجو سارے خطے دے لوکیں کوں وی فیدہ تھیسی ۔ اتے او ذاتی طور تے سی پیک دے منصوبیاں دی نگرانی کریندے پئے ہن ۔ انہاں امید کیتی جو راہداری دے منصوبے نال خطے اچوں انتہا پسندی، غربت اتے بے روزگاری کوں مکاونڑاچ مددمسلی ۔
وزیراعظم محمد نواز شریف دا لہور اچ اعلیٰ سطح دے اجلاس نال خطاب
مضمون کا ماخذ : فائر جوکر
متعلقہ مضامین
