لاہور۔24اپریل (اے پی پی )صوبائی دارالحکومت لاہور دی معروف تجارتی مارکیٹ نیو انار کلی اچ واقع پلازہ اچ اچانک بھاہ لگ گی ،واقعے دی وختی اطلاع دے بعد پنجاب ایمرجنسی سروسز ریسکیو 1122 ، ضلعی انتظامیہ، 1122دی فائر بریگیڈ گاڈیاں تے بیاں امدادی ٹیماں موقع تے پج گیاں،بھاہ کھنڈی گی تے ڈیکھدے ہی پلازے دیاں نیڑے دیاں 10دکاناں کوں وی اپنڑی وکیڑ اچ گھن گھدا ،سویل دا ویلھا ہوونڑ پاروں پلازہ دیاں ودھ ساریاں دکاناں بند ہن ،بھاہ لگنڑ دے بعد انار کلی بازار دے بہوں سارے تاجر موقع تے پج گے تے امدادی کاروائیاں اچ ریس کیو 1122دے نال کم شروع کر ڈتا ،بھاہ لگنڑ دے وختی بعد ضلعی انتظامیہ دے حکام موقع تے پج گے ،ریس کیو ذرائع مطابق بھاہ وسماونڑ سانگے پوریاں کوششاں جاری ہن تے بھاہ تے وختی قابو پا گھدا ویسی ۔
مضمون کا ماخذ : مڈاس گولڈ
