اسلام آباد۔22جون (اے پی پ??):پاکستان تحریک انصاف دی تریمت ارکان پارلیمنٹ آکھیے جو وزیراعظم عمران خان دے پردہ متعلق بیان کوں متنازع بݨایا ویندا پئے، کوئی لبرل تے کرپٹ اساݙیاں تریمتاں تے معاشرے دا ترجمان نہ بݨے، حکومت تریمتاں کوں بااختیار بݨاوݨ کیتے قانون سازی سودھے ٻئے اقدامات کیتن ، جنسی جرائم ??ے تدارک کیتے میڈیا، علمائے کرام سودھے پورے معاشرے کوں ذمہ دارانہ کردار ادا کرݨا ہوسی ۔ اے ڳالھیں وزیرمملکت موسمیاتی تبدیلی زرتاج گل ، پارلیمانی سیکرٹری قانون و انصاف ملیکہ بخاری اتے پارلیمانی سیکرٹری منصوبہ بندی و اصلاحات کنول شوذب پریس کانفرنس توں خطاب کریندے ہوئیں آکھئن ۔ وزیر مملکت موسمیاتی تبدیلی زرتاج گل آکھیے جو وزیر اعظم عمران خان بہادر قوم دی نمائندگی کریندن ۔ وزیراعظم عمران خان واضح موقف اختیار کیتے جو پاکستان دی خارجہ پالیسی ملکی سالمیت کوں سامݨے رکھ تے ب??سی ۔ انہاں ݙو ٹوک انداز اچ آکھیے جو پاکست??ن اچ امریکا کوں اݙے کہیں صورت نہ ݙیسوں ۔وزیر مملکت آکھیے جو مادر ملت محترمہ فاطمہ جناح ؒ تحریک پاکست??ن اچ ودھ چڑھ تے حصہ ڳھدے ۔ اینویں پاکستان تحریک انصاف اچ تریمتاں فعال کردارادا کریندیاں پئن ۔ انہاں آکھیے جو میں جاگیر داراں دے خلاف الیکشن جت تے قومی اسمبلی اچ آئی ہاں ۔پاکستان تحریک انصاف دی حکومت اچ میں سودھیاں 5 تریمت وزیر ہں۔ 12 توں ودھ تریمتاں پارلیمانی سیکرٹریز ہں۔ وزیرا عظم عمرا ن خان ??ے تریمتاں کوں بااختیار بݨاوݨ دے ویژن دیاں بہترین مثالاں ہن ۔
وزیراعظم اسلامی تعلیمات دی ڳال کریندن ، موجودہ حکومت تریمتاں کوں بااختیار بݨاوݨ کیتے قانون سازی سودھے ٻئے اقدامات کیتے ، کوئی لبرل تے کرپٹ اساݙیاں تریمتاں تے معاشرے دا ترجمان نہ بݨے، زرتاج گل، ملیکہ بخاری اتے کنول شوذب دی پریس کانفرنس
مضمون کا ماخذ : estatisticas dupla sena
متعلقہ مضامین
