پاکستان صرف امن چاہندے، افغانستان دی بدلدی صورتحال تے پوری اکھ اے، وفاقی وزیر اطلاعات چوہدری فواد حسین دی کابینہ اجلاس تے بریفنگ

APP51-130721 ISLAMABAD: July 13 - Federal Minister for Information and Broadcasting Chaudhry Fawad Hussain briefing the media persons about the decisions taken in the Federal Cabinet meeting. APP photo by Saeed-ul-Mulk

اسلام آباد۔13جولائی(اے پی پی)وفاقی وزیر اطلاعات و نشریات چوہدری فواد حسین آکھیے جو پاکستان دا ہکو موقف اے جو اساں صرف امن چاہندے ہیں، ایں سانڳے عالمی برادری کوں ساݙا ہتھ ونݙاوݨا ہوسی، افغان گروپاں نال رابطہ اے، کوشش اے جو افغانستان اچ حالات خراب نہ تھیون، ایں سانڳے ساری سؤرتحال ݙیہدے پئے ہیں، بین الاقوامی برادری کوں افغان مہاجرین دے مسئلہ تے وی پاکستان دے نال تھیوݨا چاہیدے، اے نہ تھیوے جو ولا افغان مہاجرین آوݨ دے حالات تھی ونڄن۔ وفاقی کابینہ دے اجلاس توں بعد میڈیا بریفنگ ݙیندے ہوئے وفاقی وزیر آکھیا جو وفاقی کابینہ تحریک لبیک پاکستان (ٹی ایل پی) تے پا??ند?? بارے کمیٹی دی رپورٹ سانڳے تنظیم تے پا??ند?? دا فیصلہ برقرار رکھیے، عید الاضحی تے سعودی عرب توں 85 پاکستانی قیدیاں کوں چھوڑیا ویندا پئے ڄݙاں جو انتخابی اصلاحات تے اپوزیشن نال ٻہوں نکات تے اتفاق رائے تھی چکیے، ہݨ تئیں 2 کروڑ پاکستانیاں کوں کرونا ویکسین لڳ چکی اے، عوام کورونا ایس او پیز تے سختی نال عمل کرن۔ انہاں آکھیا جو وفاقی کابینہ عیدالاضحیٰ تے 3 چھٹیاں دی منظوری ݙتی اے اتے پاک فوج کیتے بنیادی تنخو??ہ دا 15 فیصد سپیشل الائونس 2021ء ݙیوݨ دی وی منظوری ݙتی ڳئی اے۔ انہاں ݙسائے جو کابینہ دا اجلاس وزیراعظم عمران خان دی زیر صدارت تھئے جیندے اچ یوم شہداء کشمیر کیتے فاتحہ پڑھی ڳئی۔ 13 جولائی 1931ء کوں 21 کشمیریاں کوں حق گوئی و بے باکی تے شہید کر ݙتا ڳیا ہا،وفاقی کابینہ اتے پوری قوم انہاں کشمیری جواناں کوں سلام کریندی اے۔ انہاں آکھیا جو وفاقی کابینہ دے اجلاس اچ الیکٹرانک ووٹنگ مشین اتے آئی ووٹنگ تے ہݨ تئیں دی پیش رفت تے بریفنگ ݙتی گئی۔