اسلام آباد۔19جولائی(اے پی پی) وزیر خارجہ مخدوم شاہ محمود قریشی آکھیے جو افغان حکومت پاکستان ??وں آپݨا سفیر اتے سفارتکار سݙݨ دے فیصلے تے ول دید بھنواوے، دوحہ اچ ڄݙاں افغان امن عمل کیتے مذاکرات جاری ہین ??اک??ں آپسی تعلقات اچ احیتاط ورتݨی چاہیدی اے، افغان سفیر دی ٻالڑی دے معاملے تے سارے حقائق سامݨے رکھیسوں۔ اے ڳالھ انہاں اسلام آباد اچ مشیر قومی سلامتی اتے آئی جی پنجاب دے کٹھے پریس کانفرنس اچ آکھی۔ انہاں آکھیے جو افغان سفیر دی ٻالڑی دے واقعے دا وزیراعظم وی نوٹس ڳھدے، اساں ساݨے ڳھن آوݨ چاہندوں، ایں معاملے تے کوئی وی شئے نہ لکائی ویسی۔ میں افغان سفیر کوں ولا سݙݨ دے معاملے تے افغان ہم منصب ??وں یقین ݙیوائے جو اساں افغانستان نال تعلقات برقرار رکھݨ چاہندے ہیں، خاص کر انہاں حالات اچ ڄݙاں امن عمل دی ڳالھ مہار ٹردی پئی اے، اڄ وی زلمے خلیل زاد آئے ہن اتے وزیراعظم نال ملین جیندے اچ اساں پاکستان دا مؤقف پیش کیتے، معاملے اچ انصاف ورتیا ویسی جیندے تے افغان وزیر خارجہ محمد حنیف اتمر تحقیقات ٹورݨ کتیے تعاون دا یقین ݙیوائے، معاملے تے سیکرٹری خارجہ وی افغان سفیر نال ملین، افغان سفارتخانے دی سیکیورٹی ٻئی ودھا ݙتی اے، وزیراعظم آپ اے معاملہ ݙہدے پین۔ ایں موقع تے آئی جی اسلام آباد آکھیا جو واقعے دی تحقیقات کیتے 5 انکوائری کمیٹیاں ٻݨائن، ہݨ تئیں 220 ??وں ودھ لوکاں ??وں پچھ ڳچھ کیتی ڳئی اے، 16 جولائی دا اے واقعہ مکمل بلائنڈ کیس ہا بھل ساݙے اداریاں 300 کیمریاں دا 7 ??وں ودھ ڳھنٹے ویڈیوز دا جائزہ ڳھدے اتے پتا لائے جو افغان سفیر دی ٻالڑی کتھاں کتھاں ڳئی ہئی۔
افغان حکومت پاکستان توں آپݨا سفیر اتے سفارتکار سݙݨ دے فیصلے تے ول دید بھنواوے، افغان سفیر دی ٻالڑی دے معاملے تے سارے حقائق سامݨے رکھیسوں، وزیر خارجہ شاہ محمود قریشی
مضمون کا ماخذ : پاکستان کی لاٹری کی تاریخ
متعلقہ مضامین
