اسلام آباد ۔ 8 مئی (اے پی پی) علامہ اقبال اوپن یونیورسٹی دیاں سارے ملک اچ تعلیمی خدمات مثالی ہن ، یونیورسٹی دی مجموعی ترقی اتے طلبہ دیاں سہولتاں اچ ودھارے سانگے کیتے گئے نویں اقدامات شرح خواندگی کوں ودھاونڑ اچ بہوں اہم ثابت تھیسن۔ پاکستان دی اے وڈی یونیورسٹی جنوبی پنجاب دی تعلیمی لوڑ پوری کرنڑ اچ نمایاں اتے قابل تعریف کردار ادا کریندی پئی ہے ۔اے گالہیں وزیر مملکت برائے تعلیم و پیشہ ورانہ تربیت محمد بلیغ الرحمن رحیم یار خان اچ اوپن یونیورسٹی دی عمارت دی افتتاحی تقریب نال خطاب اچ آکھیاں۔ وزیر مملکت ملک اچ تعلیمی سہولتاں دا درجہ ودھاونڑ کیتے حکومت دے اجوکے اقدامات تفصیل نال ڈسائے ۔ انہاں آکھیا جو حکومت اوپن یونیورسٹی دی ملک گیر تعلیمی خدمات دی تعریف کریندی ہے ۔ یونیورسٹی دے وائس چانسلر پروفیسر ڈاکٹر شاہد صدیقی آپنڑیں خطاب اچ آکھیا جو طلبہ دیاں سہولتاں اچ ودھارے تعلیمی پروگرامز اتے خدمات اچ بہتری گھن آونڑ دے نتیجے اچ ریکارڈ داخلے تھئے ہن ۔ انہاں آکھیا جو طلبہ دا یونیورسٹی تے اعتماد اچ ودھارا تھئے اتے سمسٹر بہار 2016ء دے داخلیاں اچ سارے ملک توں 7لکھ توں ود ھ طلبہ داخلہ گھدا ہے ۔ رحیم یار خان اچ اوپن یونیورسٹی کیمپس دی عمارت 138ملین روپے دی لاگت نال تعمیر کیتی گئی ہے ،جیندے اچ مقامی طلبہ کیتے ساریاں تعلیمی سہولتاں دستیاب ہن جنہاں اچ 2۔لیبارٹریز لائبریری کانفرنس ہال 10۔کلاس رومز ورکشاپس ہال ویڈیو کانفرنسنگ ہاں اتے مسیت شامل ہن ۔
علامہ اقبال اوپن یونیورسٹی دیاں سارے ملک اچ تعلیمی خدمات مثالی ہن ، وزیر مملکت برائے تعلیم تے پیشہ ورانہ تربیت محمد بلیغ الرحمن
مضمون کا ماخذ : راکی
متعلقہ مضامین
