اسلام آباد 24 مئي (اے پي پي) وفاقي کابينې د الېكشن بدلون بل 2022 قامي اسمبلۍ ته د وړاندې كولو٬ په جبر د بې دركه شوو په معامله د خاص كمېټې جوړولو٬ د رېلوے سټيټ ډويلپمنټ او مارکيټنګ کمپنۍ د بحالۍ او د كراچۍ پورټ ټرسټ چيئرمېن په ډيپوټيشن د تعيناتۍ منسوخ كولو سره د وزيراعظم لخوا صدر ته د پنجاب ګورنر تعيناتۍ د اېډوائس توثيق كړے ۔ د وفاقي كابينې غونډه د وزيراعظم شهباز شريف په مشرۍ كښې د نهې په ورځ شوې۔ په غونډه كښې د داخله وزارت لخوا كابينې ته د اسلام آباد هائي كورټ د احكاماتو له مخې په جبر د بې دركه شوو پحقله بريفنګ وركړو۔ کابينې ته ووئيل شول په جبر د بې دركه شويو پحقله د كابينې خاص كمېټۍ جوړه كړې شوې كومه چې د بې دركه كېدو وجوهاتو او لټون لپاره كار كوي٬ د دې نه علاوه د تعزيرات پاکستان كال 1860 په قوانين كښې د بدلون بل قامي اسمبلۍ ته د وړاندې كولو منظوري وركرې شوې٬ چې پكښې په جبر د بې دركه كوونكو عناصرو په ضد سزاګانې هم تجويز كړې شوي٬ دا مهال په دغه بل د سېنېټ په قائمه كمېټۍ كښې غور روان دے۔ د كابينې غړو ووئېل چې په جبر د بې دركه شوو مسئله په آئيني لحاظ سره د سنګين نوعيت ده كومې لپاره چې عملي اقدامات ته اړتيا ده، ټولو شراكتدارو سره په ګډه د دې مستقل حل لټول پكار دي۔ وزيراعظم ووئيل په جبر بې دركه كول يوه سنجيده مسئله ده چې په سبب ئې د لاقانونيت فضا راپېدا شوې ٬ دغسې کابينې د قانون وزير په مشرۍ كښې د خاص كمېټۍ جوړولو منظوري وركړه چې پكښې به د ټولو سياسي ګوندونو د كابينې غړې شامل وي٬ دا كمېټي به ټولو اړوندو پوهانو او ادارو سره مشاورت كوي۔ په غونډه كښې كابينې د رېلوے وزارت په سفارش د رېلوے سټيټ ډويلپمنټ او مارکيټنګ کمپنۍ د بحالۍ منظوري هم وركړې ٬ ريلوے سټيټ ډويلپمنټ او مارکيټنګ کمپني د اړوند وزارت له مخې كار كونكې يوه سركاري كمپني ده كومه چې پخواني حكومت تحليل كړې وه ٬ دې كمپني د رېلوے اضافې زمكې د ګټورو هلو ځلو په خاطر استعمالولو لپاره كار كولو چې په سبب ئې د رېلوے محصولات كښې اضافه ممكن شوې وه٬ جمع شوي محصولات به د پاکستان رېلوے د ملازمانو په تنخاګانو ، پنشن او د رېلوے په پرمختيائي منصوبو خرڅ كېدل ۔ د کابينې د منظورۍ نه پس دا كمپني بحال كړې شوې ۔ دغسې په غونډه كښې قانوني اصلاحات لپاره د كابينه كمېټۍ په غونډو كښې د شوو پرېكړو توثيق وشو۔ په غونډه كښې د قانوني اصلاحات لپاره د كابينه كمېټۍ د پرېكړو چارټرډ اکاٶنټنټس بائي لاز 1983 كښې بدلون، د قامي صنعتي روابطو په کمېشن كښې د چيئرمېن او غړو د تعيناتۍ رولز 2022 منظوري، د الېکشن بدلون بل 2022 منظوري او قامي اسمبلۍ ته دغه د وړاندې كولو هم منطوري وركړې شوې۔ د کابينې په غونډه كښې اورسيز پاكستانيز د هېواد قېمتي اثاثه ګرځولو سره وئيلي شوي ددوي په انتخابي عمل كښې شاملول ضروري دي٬ په دې لړ كښې پخواني حكومت الېكشن كمېشن په اعتماد كښې د اخستو نه غېر قانون سازي كړې٬ د الېکشن کمېشن د الېکټرانک ووټنګ او سمندر پوې پاکستانيانو ته د ووټ حق وركولو پحقله په رپورټ غور كول پكار دي ٬ د دوي د ووټنګ طريقه كار وړومبے د پائلټ پراجېكټ په توګه تلل ضروري دے۔ الېکشن بدلون بل كال 2022 د مهم نكاتو له مخې دې الېکشن کمېشن اورسيز پاكستانيانو لپاره په ضمني انتخابات كښې ووټ وركولو لپاره پائلټ پراجېكټ اجراء كړي٬ د پائلټ پراجيکټ نتيجې به پارلمان ته وړاندې كولې شي او د دغې نه پس به پرېكړه كولې شي۔۔ کابينې دغسې د وزيراعظم لخوا صدر ته د پنجاب ګورنر د تعيناتې د اېډوائس توثيق وكړو او د وزيراعظم لخوا صدر ته په نورو چارو كښې په شوي اېډوائسز ئې هم تفصيلي بحث وكړو
وفاقي کابينې د الېكشن بدلون بل 2022 قامي اسمبلۍ ته د وړاندې كولو٬ په جبر د بې دركه شوو په معامله د خاص كمېټې جوړولو٬ د رېلوے سټيټ ډويلپمنټ او مارکيټنګ کمپنۍ د بحالۍ او د كراچۍ پورټ ټرسټ چيئرمېن په ډيپوټيشن د تعيناتۍ منسوخ كولو منظوري وركړې
مضمون کا ماخذ : ایشیا ڈریگن
متعلقہ مضامین
