اسلام آباد۔26 اکتوبر(اے پی پی) د كنټرول لائن دواړو اړخونو ته او په ګرده نړۍ كښې مېشته كشميرې اولس (سبا) د زيارت په ورځ په جمو وكشمير د هند د غېر قانوني قبضې په ضد توره ورځ لمانځي او ګردې نړۍ ته به دا پېغام وركولې شي چې دوئي به په جمو وكشمير د هند غېر قانوني قبضه كله هم قبوله نه كړي۔ په دې موقعه به په پاكستان كښې هم بېلې دستورې كولې شي۔ د کل جماعتی حریت کانفرنس په اپيل به د هند په غېر قانوني توګه قبضه كړې شوي جمو وكشمير كښې په 27 اكتوبر هړتال وي او كشميرې اولس به د خپل دې لوظ پخلې كوي چې تر كومې مو د هند د غلامۍ نه آزادي ترلاسه كړې نه وي زمونږ هڅې به روانې وي۔ حريت كنفرنس په كشمير كښې د هړتال كال وركولو سره سره په پاكستان ٬ آزاد كشمير او بهر هېوادونو كښې مېشته كشميري او پاكستاني وګړو ته تاكيد كړے دے چې هغوي دې په غېر قانوني توګه قبضه كړې شوي كشمير كښې هندي رياستي ترهګرۍ پلو د نړيوالې نړۍ پام راګرځولو له په ګرده نړۍ كښې د هندي سفارتخانو او د ملګرو ملتونو دفترونو مخې ته او په تاريخي ځايونو او بېلو سرښارونو كښې احتجاجي لاريونونه وباسي۔ د اكتوبر 27 مه نېټه په ګرده نړۍ كښې د تورې ورځې په توګه لمانځلې شي۔ په كال 1947ء كښې په دې ورځ هند د كوم قانوني جواز نه لرلو باوجود په رياست جمو وكشمير په زبردستۍ قبضه كړې وه۔ د دغې څخه وروستو تر نن ورځې هندي قابض ځواك دغلته تش لاسې كشميري مسلمانان بې درېغه وژني۔ په دې موقع به پاكستان كښې هم بېلې دستورې كولې شي۔ د اسلام آباد په لوك ورثه كښې به په دې ورځ بېل پروګرامونه كولې شي په كومو كښې به چې د هند غېر قانوني تسلط او په كشمير كښې د هند رياستي ترهګري په ډاګه كولې شي۔ دغسې په پاکستان نېشنل هېرېټېج میوزیم كښې به د كشمير او ګلګت بلتستان په مرسته د كشمير په اړه عكسي نندارتون كولې شي۔ د دې ورځې مناسبت سره به د ابلاغ ذريعو هم كشمير كاز ته لا تقويت وركولو له خصوصي انتظامات كړې دي۔
كشميرې اولس سبا د هند د غېر قانوني قبضې په ضد توره ورځ لمانځي
مضمون کا ماخذ : لاٹری ٹکٹ آن لائن دستیاب
متعلقہ مضامین
