اسلام آباد 08 اګست (اے پي پي) د سېنېټ چيئرمېن سيد يوسف رضا ګېلاني وئيلي دي په پارلماني عمل كښې د ځوانانو شموليت نه يوازې مهم اقدام دے بلكې د هېواد مفادات لپاره ضروري دے٬ د پاکستان 64 فيصده آبادي په ځوانانو مشتمله ده او دا د هېواد قېمتي اثاثه ده ، د سينيټ انټرنشپ پروګرام دې د ځوانانو پارلماني عمل سره تړلو لپاره يوه منظمه لاره وركړي۔ ده دا خبره د زيارت په ورځ د سمر انټرنشپ پروګرام د پائې دستورې ته خپلې وېنا كښې وكړه۔ ده ووئيل د سينيټ سمر انټرنشپ پروګرام بشپړېدو په موقع دستورې ته وېنا زما لپاره د درناوي خبره ده٬ د سېنېټ او د كمېټو او سيکرټريټ په ښې كاركردګۍ زه تاسو ته پېرزوئنې وړاندې كوم۔ ده ووئيل په پارلماني عمل كښې د ځوانانو شموليت نه يوازې مهم اقدام دے بلكې د هېواد مفادات لپاره ضروري دے٬ ځوانان سماجي او معاشرتي بدلون مخ په وړاندې بوتللو له زيات صلاحيت لري٬ د زلمي كول د هېواد په جمهوري عمل كښې شاملولو سره به ادارې وده وكړي۔ ده ووئيل د قانون سازۍ په ايوانونو كښې د ځوانانو د ګډون رجحان په ګرده نړۍ كښې وده مومي۔ ده ووئيل د پاكستان باني قائداعظم محمد علي جناح د زلمي كول صلاحيتونه تسليم كړي او په ځوانانو ئې زور رواړے چې ھغوي خپل ځان قامي تعمير لپاره چمتو كړي٬ ځوانان د سباٶن معماران دي٬ د ځوانانو پوهه او صلاحيتونه د هېواد لپاره كارول د وخت مهم ضرورت دے۔ ده ووئيل ځوانانو د انټرنشپ پروګرام څخه د قانون سازۍ طريقه کار، پاليسي سازۍ او دفتري چارو كښې پوهه ترلاسه كړې٬ د دوي په پارلمان كښې د كار كولو تجربه به د دوي د روښانه سباٶن ضمانت وګرځي۔ د سېنېټ چيئرمېن سيد يوسف رضا ګېلاني ووئيل مونږ ټول ستاسو د روښانه سباٶن لپاره لاس په دعا يو٬ هيله لرو چې تاسو به د خپل محنت او قابليت په سبب د هېواد قېمتي اثاثه ثابت شئ ۔ په دې مهال سيد يوسف رضا ګېلاني د سينيټ سيکرټريټ د هلو ځلو ستائنه كولو سره اعلٰې چارواكو ته پېرزوئنې وړاندې كړې۔په دې مهال د انټرن شپ پروګرام بشپړونكو زده كوونكو څخه ايان علي بلوچ٬دايان احمد او امامه پشمول نورو د سېنېټ چيئرمېن سيد يوسف رضا ګېلاني او د سېنېټ د چارواكو د زړه نه مننه كولو سره ووئيل زمونږ په سېنېټ كښې د انټرنشپ پروګرام دا تجربه ډېره كاميابه پاتې شوه٬په سېنېټ سېكرټرېټ كښې د كار كولو څخه نه يوازې مونږ ته د دفتري چارو او په قانون سازو پوهېدو له مرسته ترلاسه شوه بلكې د پارليمان غړو د تجربې څخه هم د مستفيد كېدو موقع په لاس راغله۔مونږ د ايوان بالا د اعلٰی چارواكو د زړه پورې مرسته مننه كوو۔د دې نه پس د سنېټ چيئرمېن سيد يوسف رضا ګېلاني انټرن شپ پروګرام بشپړونكو زده كونكو له سندونه هم وركړل۔
په پارلماني عمل كښې د ځوانانو شموليت نه يوازې مهم اقدام دے بلكې د هېواد مفادات لپاره ضروري دے۔ سيد يوسف رضا ګيلاني
مضمون کا ماخذ : میگا سینا پریمیو
متعلقہ مضامین
.jpg)
