اسلام آباد11 اګست (اے پي پي)وزيراعظم محمد شهباز شريف وئېلي دي چې پاكستان د اروپائي ائتلاف غړو هېوادونو سره تاريخي او د مرستې په بنياد دوه اړخيزه اړيكو ته ډېر اهميت وركوي٬ د پاكستان او اروپائي ائتلاف ترمينځه شراكتداري لا مستحكم كولو لپاره د اعلٰی كچ تبادلو ضرورت دے٬سوله ايز او مستحكم افغانستان منطقې لپاره مهم دے۔د وزيراعظم دفتر مېډيا ونګ لخوا جاري شوي بيان له مخې په پاكستان كښې د اروپائي ائتلاف نوې ټاكلې شوې سفيرې ډاكټر رينا كونيكا د زيارت په ورځ وزيراعظم سره ملاقات وكړو۔په دې موقع وزيراعظم د اروپائي ائتلاف كونسل صدر چارلس مشيل او د اروپائي كمېشن مشرې ارسولاوان ډيرليين سره د خپلو اوسنو ټېليفوني خبرو حواله وركولو سره د دې باور څرګندونه وكړه چې د اروپائي ائتلاف د پارليماني پلاو د پاكستان دورو سره به د پاكستان او اروپائي ائتلاف ترمينځه د مرستې لارې هوارې شي۔ده ووئيل چې د پاكستان او اروپائي ائتلاف ترمينځه د شريكو ګټورو تجارتي اړيكو اضافه د اوسني جي اېس پي پلس سكيم په سبب ده۔ده هيله څرګنده كړه چې پاكستان به د كال 2023م نه پس هم د دې انتظام برخه پاتې شي۔وزيراعظم سږ كال د پكستان او اروپائي ائتلاف د اړيكو په 60 كاله پوره كېدو د دواړو خوا د دې په ښه ډول لمانځلو زور راوړو۔وزيراعظم ووئيل چې سوله ايز او مستحكم افغانستان مهم دے۔پاكستان تېر كال د اګست په مياشت كښې د راغلې بدلون نه پس د افغانستان په اړه نړيوالې ټولنې سره بې مثاله مرسته كړی۔ډاكټر رينكا كونيكا د وزيراعظم لخوا د هركلي كولو مننه وكړه او وې وئېل چې هغه به د دوه اړخيزه اړيكو مستحكم كولو لپاره بشپړ كردار ترسره كوي
د پاكستان او اروپائي ائتلاف ترمينځه شراكتداري لا مستحكم كولو لپاره د اعلٰی كچ تبادلو ضرورت دے۔وزيراعظم محمد شهباز شريف
مضمون کا ماخذ : بفیلو بلٹز
متعلقہ مضامین
