اسلام آباد۔22دسمبر (اے پی پی):ڈپٹی اسپیکر قومی اسمبلی قاسم خان سوری آکھیے جو بین المذاہب ہم آہنگی دے ذریعے ملک کوں ترقی اتے خوشحالی دے رستے ٹوریا ونج سڳدے ۔ م??گل کوں پارلیمنٹ ہاؤس اچ کرسمس دی مناسبت نال منعقدہ تقریب توں خطاب کریندے ہوئیں انھاں آکھیے جو دنیا دے سارے مذہب امن، محبت، برداشت اتے انسانیت دے احترام دا درس ݙیندن دنیا اچ پکے امن دے قیام کیتے بین المذاہب مکالمہ ضروری اے۔بہتر م??تقبل کیتے اساکوں آپت ??ھیڑے بھلا کراہیں ہک ݙوجھے دیاں خوشیاں تے ݙکھ ونڈݨے ہوسن ۔ پاکستان دا آئین ملک دے سارے شہریاں کوں بلاتفریق رنگ و نسل اتے مذہب مساوی حقوق ݙیندے ۔ عمران خان دی قیادت اچ موجودہ حکومت بلا امتیاز رنگ و نسل و مذہب سارے شہریاں دی فلاح و بہبود کیتے کوشاں اے ۔قاسم خان سوری آکھیے جو ایں وی??ھے دنیا کوں COVID-19 دی وبا دا سامݨا اے جیں دا مقابلہ آپت اچ اتحاد و یکجہتی اتے احتیاطی تدابیر تے سختی نال عمل درآمد توں ہی ممکن اے ۔حضرت عیسیٰ ؑ اللہ دے برگزیدہ نبی تے پیغمبر ہن تے مسلماناں کیتے انتہائی قابل احترام ہن۔حضرت عیسیٰ ؑ محبت ، اخوت، برداشت، عدم تشدد اتے انسانیت دی خدمت دی تعلیمات ݙتن ۔
