اسلام آباد۔4فروری (اے پی پی):وفاقی وزیر اطلاعات و نشریات سینیٹر شبلی فراز آکھیے جو اڄ جمعہ کوں پاکستان تے پوری دنیا اچ وسݨ آلے پاکستانی اتے کشمیری برادری یوم یکجہتی کشمیر بھرپور انداز نال منیسی ،کشمیریاں نال یکجہتی کیتے صدر مملکت اتے وزیراعظم آزادو جموں کشمیر دا دورہ کریسن ،صدر مملکت عارف علوی آزاد کشمیر قانون ساز اسمبلی توں جݙاں جو وزیراعظم عمران خ??ن کوٹلی اچ عوامی اجتماع توں خطاب کریسن ۔ او خمیس کوں پی آئی ڈی اچ وفاقی وزراءعلی امین گنڈا پور ‘چیئرمین کشمیر کمیٹی شہریار آفریدی اتے کشمیری راہنما واں دے رلے پریس کانفرنس توں خطاب کریندے پئے ہن ۔ وفاقی وزیر اطلاعات سینیٹر شبلی فراز آکھیے جو اڄ جمعہ کوں پورے ملک اچ تے پوری دنیا اچ یوم یکجہتی کشمیر بھرپور انداز نال منیسوں ۔ انہاں آکھیے جو 5اگست 2019 کوں بھارت غاصبانہ طریقے نال مقبوضہ کشمیر دی حیثیت کوں بدالیے ‘یوم یکجہتی کشمیر بھر پور انداز نال مناوݨ نال کشمیریاں کوں ہک نواں جذبہ مل ویسی اتے تحریک آزادی کشمیر اچ نویں جان آسی ۔ انہاں آکھیے جو وزیراعظم عمران خ??ن پوری دنیا دے سامݨے مسئلہ کشمیر اجاگ?? کریندے پئن تے پاکستان دا عالمی برادری توں اے ہی مطالبہ اے جو مودی ‘بھارت دے جارحانہ رویہ‘ ظلم اتے بربریت دا نوٹس ڳھدا ونڄے ۔
